प्रस्तावना:
प्रत्येक व्यक्तीच्या जीवनामध्ये कुटुंब फार महत्वाचे असते. कारण प्रत्येक व्यक्तीला कुटुंबातून खूप काही शिकायला मिळते. तसेच कुटुंब हे प्रत्येक व्यक्तीची काळजी घेते आणि पुढे जाण्यासाठी प्रेरित करते.
कुटुंब मिळून एक चांगला समतयार होतो आणि समाज मिळून एक मोठा देश बनतो. म्हणूनच आपल्या संस्कृतीच्या समाजात कुटुंबाला एक महत्वाचे स्थान दिले गेले आहे. तसेच कुटुंब हे समाजाचा एक केंद्रबिंदू आहे.
कुटुंब हा शब्द ऐकताच प्रेम करणारी आई, लाड करणारे बाबा, लाडकी बहीण, गोष्ट सांगणारी आजी आणि आपल्या सोबत खेळणारे आजोबा हे चित्र आपल्या डोळ्या समोर येते.
कुटुंब म्हणजे काय –
कुटुंब म्हणजे एकाच घरात एकत्रित राहणारे आणि एकमेकांच्या नात्यात परस्पर संबंध आहे तसेच एकमेकांची काळजी घेणारे म्हणजे कुटुंब होय.
माझे कुटुंब
आपल्याला वेगवेगळ्या प्रकारची मिळतात. कोणाचे कुटुंब लहान असते तर कोणाचे कुटुंब मोठे असते. एखाद्या घरात कमी माणसे असतात तर एखाद्या घरात जास्त माणसे असतात. तसेच माझे कुटुंब सुद्धा भारतीय कुटुंबासारखे एक छोटेसे कुटुंब आहे.
माझ्या कुटुंबामध्ये माझे आजी – आजोबा, आई – बाबा, काका – काकी आणि माझा लहान भाऊ व बहीण राहते. माझ्या कुटुंबामध्ये माझे आजी – आजोबा हे सर्वात वृद्ध आणि मोठे आहेत.
माझ्या कुटुंबातील प्रत्येक जण माझ्या आजी – आजोबांच्या शब्दाचे पालन करतात. ते म्हणतील त्याचप्रमाणे वागतात. माझे आजोबा हे आम्हा सर्वाना शिस्त, स्वच्छता, कठोर परिश्रम यांचे मूल्य सांगतात.
माझी आजी ही धार्मिक महिला आहे. ती दररोज सकाळी लवकर उठून देवाची पूजा करते त्यानंतर ती मंदिरात जाते. कधी – कधी माझी आजी मला सुद्धा आपल्या सोबत मंदिरात नेते.
शिस्तीचे पालन
माझे बाबा हे शिस्तीचे खूप पालन करतात. ते कोणतेही काम प्रामाणिकपणे आणि कठोर परिश्रमांनी पूर्ण करतात. ते आम्हाला नेहमीच शिकवतात की, आपण नेहमी वेळेचे महत्त्व समजले पाहिजे.
कारण वेळ ही एकदाच येते आणि पुन्हा गेलेली वेळ आपल्याला परत मिळत नाही. म्हणून आपण कोणतेही काम हे वेळेत पूर्ण केले पाहिजे.
आई एक गृहिणी
तसेच माझी आई ही एक गृहिणी आहे. ती नेहमीच आपल्या कुटुंबाची काळजी घेते आणि सकाळी लवकर उठून सगळ्यांसाठी नाश्ता तयार करते.
माझी आई नेहमी कुटुंबातील प्रत्येक व्यक्तीला त्याच्या आवडीनुसार पदार्थ बनवून खायला घालते. माझी आई ही कुटुंबातील प्रत्येकाची काळजी घेते आणि गरज असलेल्या व्यक्तींना मदत देखील करते.
तसेच तिने लहान पणापासून आम्हाला मोठा माणसांचा आदर करायला हवा आणि अडचणीत असलेल्या लोकांची मदत करायला शिकवले आहे.
अडचणींवर मात
कुटुंब हे एक असे माध्यम आहे जे भावी पिढीला योग्य मार्ग आणि सकारात्मक विचार मनात आणण्यास मदत करते. तसेच आपल्याला आयुष्यात पुढे जाण्यासाठी प्रोत्साहित करते. आपल्या जीवनात अनेक समस्या किंवा अडचणी असतात.
त्यांचे निवारण हे आपण सर्व एकमेकांच्या साहाय्याने करू शकतो. माझ्या कुटुंबात जर कोणत्या व्यक्तीला अडचण असेल तर सर्वजण एकमेकांच्या पाठीशी उभे राहतात आणि आधार देतात.
कुटुंबातील एक व्यक्ती जरी आजारी पडली तरी त्याची त्यांत चांगल्या प्रकारे काळजी घेतात. माझ्या कुटुंबातील प्रत्येक जण एकमेकांना सांभाळून घेतात. त्याच बरोबर कुटुंबातील प्रत्येक जण एकत्र मिळून तसेच रीती – रिवाजानुसार सण साजरे करतात.
निष्कर्ष:
हे निश्चित आहे की जर कुटुंब नसेल तर मानव आपल्या जीवनाची कल्पना करू शकत नाही. कुटुंब हे आपल्या जीवनाचा एक महत्वाचा घटक आहे.
एक कुटुंब हे भावनिक आणि शारीरिकरीत्या प्रामाणिक आणि आत्म विश्वासाने एक चांगली व्यक्ती बनवते. माझे कुटुंब हे लहान आहे. तरीपण मला माझे कुटुंब फार आवडते. मी माझ्या कुटुंबावर खूप प्रेम करतो.